సంక్రాంతి శుభ ముహుర్తం , పూజా విధానం | sankranti date and time, sankranti Pooja vidhanam | bhakti margam |
మకర సంక్రాంత
హిందూ పంచాంగం ప్రకారం, సూర్య భగవానుడు ధనస్సు రాశి నుంచి మకర రాశిలోకి ప్రవేశించినప్పుడు మకర సంక్రాంతి పండుగను జరుపుకుంటారు. జ్యోతిష్యశాస్త్రం ప్రకారం, ఈ నెల 15వ తేదీ సోమవారం నాడు మకర సంక్రాంతి పండుగ వచ్చింది. ఇదే సమయంలో ఉత్తరాయానం ప్రారంభమవుతుంది.
ఈ సమయంలో ఖర్మలన్నీ ముగుస్తాయి. ఆ మరుసటి రోజు నుంచే అంటే జనవరి 16వ తేదీ నుంచి వివాహాది తదితర శుభకార్యాలకు సమయం అనుకూలంగా ఉంటుంది. ఈ సందర్భంగా సంక్రాంతి శుభ ముహుర్తం ఎప్పుడొచ్చింది... ఈ పర్వదినాన సూర్యదేవుని ఆశీస్సుల కోసం ఎలాంటి పూజలు చేయాలనే ఆసక్తికరమైన విషయాలను ఇప్పుడు తెలుసుకుందాం...
శుభ ముహర్తం
ఈసారి శుభ ముహుర్తం 15 జనవరి 2024 సోమవారం ఉదయం 7 గంటలకు ప్రారంభమై, సాయంత్రం 5:36 గంటల వరకు కొనసాగుతుంది. ఈ సమయంలో మీరు భగవంతుడిని ఆరాధించొచ్చు. మకర సంక్రాంతి మహా పుణ్య కాలం ఉదయం 7 గంటల నుంచి ఉదయం 8:46 గంటల వరకు ఉంటుంది. ఈ సమయంలో సూర్య దేవునితో పాటు శ్రీ విష్ణుమూర్తిని పూజించాలి.
పూజా విధానం
* మకర సంక్రాంతి రోజున సూర్య భగవానుడితో పాటు శని దేవుడిని ఆరాధించాలి.
మకర సంక్రాంతి పండుగ రోజున బ్రహ్మ ముహుర్తంలో నిద్రలేచి, స్నానం చేసి ఉతికిన బట్టలను ధరించాలి.
* రాగి పాత్రలో కొంత నీరు తీసుకుని, అందులో కొద్దిగా సింధూరం, అక్షింతలు, ఎర్రని పువ్వులు వేసి సూర్య దేవునికి అర్ఘ్యం సమర్పించాలి.
* మకర సంక్రాంతి సందర్భంగా సూర్య భగవానుడికి బెల్లం, నువ్వులు సమర్పించాలి.
* సూర్యుడికి హారతి ఇచ్చే సమయంలో ఈ మంత్రాలను జపించాలి.
ఓం గృణీం సూర్యః ఆదిత్యః
ఓం హ్రీం హ్రీం సూర్యాయ సహస్రరాయ రాయ
ఓం హ్రీం హ్రీం సూర్య ఓం’ అనే మంత్రాలను జపించాలి.
Comments
Post a Comment