శ్రీ దుర్గా నక్షత్ర మాలికా స్తుతి | sri durga nakshatra malika stuti in telugu | bhakthi margam | భక్తి మార్గం

 

శ్రీ దుర్గా నక్షత్ర మాలికా స్తుతి

విరాటనగరం రమ్యం గచ్ఛమానో యుధిష్ఠిరః ।
అస్తువన్మనసా దేవీం దుర్గాం త్రిభువనేశ్వరీమ్ ॥ 1 ॥

యశోదాగర్భసంభూతాం నారాయణవరప్రియామ్ ।
నందగోపకులేజాతాం మంగళ్యాం కులవర్ధనీమ్ ॥ 2 ॥

కంసవిద్రావణకరీం అసురాణాం క్షయంకరీమ్ ।
శిలాతటవినిక్షిప్తాం ఆకాశం ప్రతిగామినీమ్ ॥ 3 ॥

వాసుదేవస్య భగినీం దివ్యమాల్య విభూషితామ్ ।
దివ్యాంబరధరాం దేవీం ఖడ్గఖేటకధారిణీమ్ ॥ 4 ॥

భారావతరణే పుణ్యే యే స్మరంతి సదాశివామ్ ।
తాన్వై తారయతే పాపాత్ పంకేగామివ దుర్బలామ్ ॥ 5 ॥

స్తోతుం ప్రచక్రమే భూయో వివిధైః స్తోత్రసంభవైః ।
ఆమంత్ర్య దర్శనాకాంక్షీ రాజా దేవీం సహానుజః ॥ 6 ॥

నమోఽస్తు వరదే కృష్ణే కుమారి బ్రహ్మచారిణి ।
బాలార్క సదృశాకారే పూర్ణచంద్రనిభాననే ॥ 7 ॥

చతుర్భుజే చతుర్వక్త్రే పీనశ్రోణిపయోధరే ।
మయూరపింఛవలయే కేయూరాంగదధారిణి ॥ 8 ॥

భాసి దేవి యదా పద్మా నారాయణపరిగ్రహః ।
స్వరూపం బ్రహ్మచర్యం చ విశదం తవ ఖేచరి ॥ 9 ॥

కృష్ణచ్ఛవిసమా కృష్ణా సంకర్షణసమాననా ।
బిభ్రతీ విపులౌ బాహూ శక్రధ్వజసముచ్ఛ్రయౌ ॥ 10 ॥

పాత్రీ చ పంకజీ కంఠీ స్త్రీ విశుద్ధా చ యా భువి ।
పాశం ధనుర్మహాచక్రం వివిధాన్యాయుధాని చ ॥ 11 ॥

కుండలాభ్యాం సుపూర్ణాభ్యాం కర్ణాభ్యాం చ విభూషితా ।
చంద్రవిస్పార్ధినా దేవి ముఖేన త్వం విరాజసే ॥ 12 ॥

ముకుటేన విచిత్రేణ కేశబంధేన శోభినా ।
భుజంగాఽభోగవాసేన శ్రోణిసూత్రేణ రాజతా ॥ 13 ॥

భ్రాజసే చావబద్ధేన భోగేనేవేహ మందరః ।
ధ్వజేన శిఖిపింఛానాం ఉచ్ఛ్రితేన విరాజసే ॥ 14 ॥

కౌమారం వ్రతమాస్థాయ త్రిదివం పావితం త్వయా ।
తేన త్వం స్తూయసే దేవి త్రిదశైః పూజ్యసేఽపి చ ॥ 15 ॥

త్రైలోక్య రక్షణార్థాయ మహిషాసురనాశిని ।
ప్రసన్నా మే సురశ్రేష్ఠే దయాం కురు శివా భవ ॥ 16 ॥

జయా త్వం విజయా చైవ సంగ్రామే చ జయప్రదా ।
మమాఽపి విజయం దేహి వరదా త్వం చ సాంప్రతమ్ ॥ 17 ॥

వింధ్యే చైవ నగశ్రేష్టే తవ స్థానం హి శాశ్వతమ్ ।
కాళి కాళి మహాకాళి సీధుమాంస పశుప్రియే ॥ 18 ॥

కృతానుయాత్రా భూతైస్త్వం వరదా కామచారిణి ।
భారావతారే యే చ త్వాం సంస్మరిష్యంతి మానవాః ॥ 19 ॥

ప్రణమంతి చ యే త్వాం హి ప్రభాతే తు నరా భువి ।
న తేషాం దుర్లభం కించిత్ పుత్రతో ధనతోఽపి వా ॥ 20 ॥

దుర్గాత్తారయసే దుర్గే తత్వం దుర్గా స్మృతా జనైః ।
కాంతారేష్వవపన్నానాం మగ్నానాం చ మహార్ణవే ॥ 21 ॥

(దస్యుభిర్వా నిరుద్ధానాం త్వం గతిః పరమా నృణామ)
జలప్రతరణే చైవ కాంతారేష్వటవీషు చ ।
యే స్మరంతి మహాదేవీం న చ సీదంతి తే నరాః ॥ 22 ॥

త్వం కీర్తిః శ్రీర్ధృతిః సిద్ధిః హ్రీర్విద్యా సంతతిర్మతిః ।
సంధ్యా రాత్రిః ప్రభా నిద్రా జ్యోత్స్నా కాంతిః క్షమా దయా ॥ 23 ॥

నృణాం చ బంధనం మోహం పుత్రనాశం ధనక్షయమ్ ।
వ్యాధిం మృత్యుం భయం చైవ పూజితా నాశయిష్యసి ॥ 24 ॥

సోఽహం రాజ్యాత్పరిభ్రష్టః శరణం త్వాం ప్రపన్నవాన్ ।
ప్రణతశ్చ యథా మూర్ధ్నా తవ దేవి సురేశ్వరి ॥ 25 ॥

త్రాహి మాం పద్మపత్రాక్షి సత్యే సత్యా భవస్వ నః ।
శరణం భవ మే దుర్గే శరణ్యే భక్తవత్సలే ॥ 26 ॥

ఏవం స్తుతా హి సా దేవీ దర్శయామాస పాండవమ్ ।
ఉపగమ్య తు రాజానమిదం వచనమబ్రవీత్ ॥ 27 ॥

శృణు రాజన్ మహాబాహో మదీయం వచనం ప్రభో ।
భవిష్యత్యచిరాదేవ సంగ్రామే విజయస్తవ ॥ 28 ॥

మమ ప్రసాదాన్నిర్జిత్య హత్వా కౌరవ వాహినీమ్ ।
రాజ్యం నిష్కంటకం కృత్వా భోక్ష్యసే మేదినీం పునః ॥ 29 ॥

భ్రాతృభిః సహితో రాజన్ ప్రీతిం ప్రాప్స్యసి పుష్కలామ్ ।
మత్ప్రసాదాచ్చ తే సౌఖ్యం ఆరోగ్యం చ భవిష్యతి ॥ 30 ॥

యే చ సంకీర్తయిష్యంతి లోకే విగతకల్మషాః ।
తేషాం తుష్టా ప్రదాస్యామి రాజ్యమాయుర్వపుస్సుతమ్ ॥ 31 ॥

ప్రవాసే నగరే చాపి సంగ్రామే శత్రుసంకటే ।
అటవ్యాం దుర్గకాంతారే సాగరే గహనే గిరౌ ॥ 32 ॥

యే స్మరిష్యంతి మాం రాజన్ యథాహం భవతా స్మృతా ।
న తేషాం దుర్లభం కించిదస్మిన్ లోకే భవిష్యతి ॥ 33 ॥

య ఇదం పరమస్తోత్రం భక్త్యా శృణుయాద్వా పఠేత వా ।
తస్య సర్వాణి కార్యాణి సిధ్ధిం యాస్యంతి పాండవాః ॥ 34 ॥

మత్ప్రసాదాచ్చ వస్సర్వాన్ విరాటనగరే స్థితాన్ ।
న ప్రజ్ఞాస్యంతి కురవః నరా వా తన్నివాసినః ॥ 35 ॥

ఇత్యుక్త్వా వరదా దేవీ యుధిష్ఠిరమరిందమమ్ ।
రక్షాం కృత్వా చ పాండూనాం తత్రైవాంతరధీయత ॥ 36 ॥

Related Postings:

1. Stotras In Telugu

2. All Temples 

3. Dharma Sandehalu

4. 12 Jyotirlingas

5. Rashi Phalalu

tags: sri durga nakshatra malika stuti in telugu, sri durga nakshatra malika stuti in telugu pdf, sri durga nakshatra malika stuti benefits, sri durga nakshatra malika stuti meaning in telugu, sri durga nakshatra malika stuti lyrics, sri durga nakshatra malika stuti mantra, sri durga nakshatra malika stuti stotram in telugu, sri durga nakshatra malika stuti for marriage, Sri durga nakshatra malika stuti for marriage pdf, Sri durga nakshatra malika stuti for marriage in english, Sri durga nakshatra malika stuti for marriage benefits, durga devi powerful mantra, దుర్గాదేవి 108 మంత్రాలు, దుర్గా దేవి శ్లోకాలు, దుర్గా దేవి మంత్రం,దుర్గాదేవి 32 నామాలు pdf, దుర్గా స్తోత్రం తెలుగు pdf, దేవి స్తోత్రం, దుర్గా దేవి అష్టోత్తరం 108 pdf, దుర్గా దేవి పేర్లు, bhakthimargam , bhaktimargam, bhakthi margam , bhakti margam, bhakthi margam telugu, Telugu bhakthi margam, Bhakthimargam.in, bhathimargam.com