ద్వాదశ ఆర్య స్తుతి | dwadasa arya stuti in telugu | bhakthi margam | భక్తి మార్గం

Posted by on


ద్వాదశ ఆర్య స్తుతి

ఉద్యన్నద్యవివస్వానారోహన్నుత్తరాం దివం దేవః ।
హృద్రోగం మమ సూర్యో హరిమాణం చాఽఽశు నాశయతు ॥ 1 ॥

నిమిషార్ధేనైకేన ద్వే చ శతే ద్వే సహస్రే ద్వే ।
క్రమమాణ యోజనానాం నమోఽస్తు తే నళిననాథాయ ॥ 2 ॥

కర్మజ్ఞానఖదశకం మనశ్చ జీవ ఇతి విశ్వసర్గాయ ।
ద్వాదశధా యో విచరతి స ద్వాదశమూర్తిరస్తు మోదాయ ॥ 3 ॥

త్వం హి యజూఋక్సామః త్వమాగమస్త్వం వషట్కారః ।
త్వం విశ్వం త్వం హంసః త్వం భానో పరమహంసశ్చ ॥ 4 ॥

శివరూపాత్ జ్ఞానమహం త్వత్తో ముక్తిం జనార్దనాకారాత్ ।
శిఖిరూపాదైశ్వర్యం త్వత్తశ్చారోగ్యమిచ్ఛామి ॥ 5 ॥

త్వచి దోషా దృశి దోషాః హృది దోషా యేఽఖిలేంద్రియజదోషాః ।
తాన్ పూషా హతదోషః కించిద్రోషాగ్నినా దహతు ॥ 6 ॥

ధర్మార్థకామమోక్షప్రతిరోధానుగ్రతాపవేగకరాన్ ।
బందీకృతేంద్రియగణాన్ గదాన్ విఖండయతు చండాంశుః ॥ 7 ॥

యేన వినేదం తిమిరం జగదేత్య గ్రసతి చరమచరమఖిలమ్ ।
ధృతబోధం తం నళినీభర్తారం హర్తారమాపదామీడే ॥ 8 ॥

యస్య సహస్రాభీశోరభీశు లేశో హిమాంశుబింబగతః ।
భాసయతి నక్తమఖిలం భేదయతు విపద్గణానరుణః ॥ 9 ॥

తిమిరమివ నేత్రతిమిరం పటలమివాఽశేషరోగపటలం నః ।
కాశమివాధినికాయం కాలపితా రోగయుక్తతాం హరతాత్ ॥ 10 ॥

వాతాశ్మరీగదార్శస్త్వగ్దోషమహోదరప్రమేహాంశ్చ ।
గ్రహణీభగంధరాఖ్యా మహతీస్త్వం మే రుజో హంసి ॥ 11 ॥

త్వం మాతా త్వం శరణం త్వం ధాతా త్వం ధనం త్వమాచార్యః ।
త్వం త్రాతా త్వం హర్తా విపదామర్క ప్రసీద మమ భానో ॥ 12 ॥

ఇత్యార్యాద్వాదశకం సాంబస్య పురో నభఃస్థలాత్పతితమ్ ।
పఠతాం భాగ్యసమృద్ధిః సమస్తరోగక్షయశ్చ స్యాత్ ॥ 13 ॥

ఇతి శ్రీసాంబకృతద్వాదశార్యాసూర్యస్తుతిః ।

tags:dwadasa arya stuti benefits,dwadasa arya stuthi lyrics in telugu,dwadasa arya stuti in telugu with meaning,dwadasa arya stuti in telugu by spb mp3 free download,dwadasa arya stuti in telugu pdf,dwadasa arya stuti in telugu with meaning pdf,dwadasa arya stuti in telugu mp3 free download,dwadasa arya stuti lyrics telugu,dwadasa arya stuti meaning in telugu, nitya pooja vidhanam in telugu , daily pooja vidhi at home , daily chanting mantras , bhakthimargam, bhaktimargam, bhakti margam,Bhakthi Margam, bhakthimargam.in, 

Comments

Post a Comment