శ్రీ గణనాయకాష్టకం
ఏకదంతం మహాకాయం తప్తకాంచనసన్నిభం |
లంబోదరం విశాలాక్షం వందేహం గణనాయకం || 1 ||
మౌంజీకృష్ణాజినధరం నాగయజ్ఞోపవీతినమ్ |
బాలేందుసుకలామౌళిం వందేహం గణనాయకం || 2 ||
అంబికాహృదయానందం మాతృభిఃపరివేష్టితం |
భక్తప్రియం మదోన్మత్తం వందేహం గణనాయకం || ౩ ||
చిత్రరత్నవిచిత్రాంగం చిత్రమాలావిభూషితం |
చిత్రరూపధరం దేవం వందేహం గణనాయకం || 4 ||
గజవక్త్రం సురశ్రేష్ఠం కర్ణచామరభూషితం |
పాశాంకుశధరం దేవం వందేహం గణనాయకం || 5 ||
మూషకోత్తమమారుహ్య దేవాసురమహాహవే |
యోద్ధుకామం మహావీర్యం వందేహం గణనాయకం || 6 ||
యక్షకిన్నరగంధర్వసిద్ధవిద్యాధరైః సదా |
స్తూయమానం మహాబాహుం వందేహం గణనాయకం || 7 ||
సర్వవిఘ్నహరం దేవం సర్వవిఘ్నవివర్జితం |
సర్వసిద్ధిప్రదాతారం వందేహం గణనాయకం || 8 ||
గణాష్టకమిదం పుణ్యం యః పఠేత్సతతం నరః |
సిధ్యంతి సర్వకార్యాణి విద్యావాన్ ధనవాన్ భవేత్ || 9 ||
ఇతి శ్రీ గణానాయకాష్టకం సంపూర్ణం |
Related Postings:
1. Stotras In Telugu
5. Rashi Phalalu
tags: nithya pooja vidhanam in telugu , nithya parayana slokas in telugu, nithya parayana mantralu , daily puja procedure at home , daily pooja vidhi ,most powerful mantras in telugu , most powerful slokas , lord vinayaka slokas , most powerful lord vinayaka mantras in telugu ,lord vinayaka pooja vidhi
Comments
Post a Comment