దేవర్షి కృత గజానన స్తోత్రం | devarshi kruta gajanana stotram in telugu | bhakthi margam | భక్తి మార్గం

 దేవర్షి కృత గజానన స్తోత్రం

శ్రీ గణేశాయ నమః ॥

దేవర్షయ ఊచుః ॥

విదేహరూపం భవబన్ధహారం సదా స్వనిష్ఠం స్వసుఖప్రదమ్ తమ్ ।
అమేయసాంఖ్యేన చ లక్ష్మీశం గజాననం భక్తియుతం భజామః ॥ 1॥

మునీన్ద్రవన్ద్యం విధిబోధహీనం సుబుద్ధిదం బుద్ధిధరం ప్రశాన్తమ్ ।
వికారహీనం సకలాంమకం వై గజాననం భక్తియుతం భజామః ॥ 2॥

అమేయ రూపం హృది సంస్థితం తం బ్రహ్మాఽహమేకం భ్రమనాశకారమ్ ।
అనాది-మధ్యాన్తమపారరూపం గజాననం భక్తియుతం భజామః ॥ ౩॥

జగత్ప్రమాణం జగదీశమేవమగమ్యమాద్యం జగదాదిహీనమ్ ।
అనాత్మనాం మోహప్రదం పురాణం గజాననం భక్తియుతం భజామః ॥ 4॥

న పృథ్విరూపం న జలప్రకాశనం న తేజసంస్థం న సమీరసంస్థమ్ ।
న ఖే గతం పంచవిభూతిహీనం గజాననం భక్తియుతం భజామః ॥ 5॥

న విశ్వగం తైజసగం న ప్రాజ్ఞం సమష్టి-వ్యష్టిస్థ-మనన్తగం తమ్ ।
గుణైర్విహీనం పరమార్థభూతం గజాననం భక్తియుతం భజామః ॥ 6॥

గణేశగం నైవ చ బిన్దుసంస్థం న దేహినం బోధమయం న ఢుణ్ఢీ ।
సుయోగహీనం ప్రవదన్తి తత్స్థం గజాననం భక్తియుతం భజామః ॥ 7॥

అనాగతం గ్రైవగతం గణేశం కథం తదాకారమయం వదామః ।
తథాపి సర్వం ప్రతిదేహసంస్థం గజాననం భక్తియుతం భజామః ॥ 8॥

యది త్వయా నాథ! ఘృతం న కించిత్తదా కథం సర్వమిదం భజామి ।
అతో మహాత్మానమచిన్త్యమేవం గజానన భక్తియుతం భజామః ॥ 9॥

సుసిద్ధిదం భక్తజనస్య దేవం సకామికానామిహ సౌఖ్యదం తమ్ ।
అకామికానాం భవబన్ధహారం గజాననం భక్తియుతం భజామః ॥ 10॥

సురేన్ద్రసేవ్యం హ్యసురైః సుసేవ్యం సమానభావేన విరాజయన్తమ్ ।
అనన్తబాహు మూషకధ్వజం తం గజాననం భక్తియుతం భజామః ॥ 11॥

సదా సుఖానన్దమయం జలే చ సముద్రజే ఇక్షురసే నివాసమ్ ।
ద్వన్ద్వస్య యానేన చ నాశరూపే గజాననం భక్తియుతం భజామః ॥ 12॥

చతుఃపదార్థా వివిధప్రకాశస్తదేవ హస్తం సుచతుర్భుజం తమ్ ।
అనాథనాథం చ మహోదరం వై గజాననం భక్తియుతం భజామః ॥ 13॥

మహాఖుమారూఢమకాలకాలం విదేహయోగేన చ లభ్యమానమ్ ।
అమాయినం మాయికమోహదం తం గజాననం భక్తియుతం భజామః ॥ 14॥

రవిస్వరూపం రవిభాసహీనం హరిస్వరూపం హరిబోధహీనమ్ ।
శివస్వరూపం శివభాసనాశం గజాననం భక్తియుతం భజామః ॥ 15॥

మహేశ్వరీస్థం చ సుశక్తిహీనం ప్రభుం పరేశం పరవన్ద్యమేవమ్ ।
అచాలకం చాలకబీజరూపం గజాననం భక్తియుతం భజామః ॥ 16॥

శివాది-దేవైశ్చ ఖగైశ్చ వన్ద్యం నరైర్లతా-వృక్ష-పశుప్రముఖ్యైః ।
చరాఽచరైర్లోక-విహీనమేవం గజాననం భక్తియుతం భజామః ॥ 17॥

మనోవచోహీనతయా సుసంస్థం నివృత్తిమాత్రం హ్యజమవ్యయం తమ్ ।
తథాఽపి దేవం పురసంస్థితం తం గజాననం భక్తియుతం భజామః ॥ 18॥

వయం సుధన్యా గణపస్తవేన తథైవ మర్త్యార్చనతస్తథైవ ।
గణేశరూపాశ్చ కృతాస్త్వయా తం గజాననం భక్తియుతం భజామః ॥ 19॥

గజాఖ్యబీజం ప్రవదన్తి వేదాస్తదేవ చిహ్నేన చ యోగినస్త్వామ్ ।
గచ్ఛన్తి తేనైవ గజాననం తం గజాననం భక్తియుతం భజామః ॥ 20॥

పురాణవేదాః శివవిష్ణుకాద్యామరాః శుకాద్యా గణపస్తవే వై ।
వికుణ్ఠితాః కిం చ వయం స్తవామో గజాననం భక్తియుతం భజామః ॥ 21॥

ముద్గల ఉవాచ ॥

ఏవం స్తుత్వా గణేశానం నేముః సర్వే పునః పునః ।
తానుత్థాప్య వచో రమ్యం గజానన ఉవాచ హ ॥ 22॥

గజానన ఉవాచ ॥

వరం బ్రూత మహాభాగా దేవాః సర్షిగణాః పరమ్ ।
స్తోత్రేణ ప్రీతిసంయుక్తో దాస్యామి వాంఛితం పరమ్ ॥ 23॥

గజాననవచః శ్రుత్వా హర్షయుక్తా సురర్షయః ।
జగుస్తం భక్తిభావేన సాశ్రునేత్రా ప్రజాపతే ॥ 24॥

దేవర్షయ ఊచుః ॥

యది గజానన స్వామిన్ ప్రసన్నో వరదోఽసి మే ।

తదా భక్తిం దృఢాం దేహి లోభహీనాం త్వదీయకామ్ ॥ 25॥

లోభాసురస్య దేవేశ కృతా శాన్తిః సుఖప్రదా ।
తయా గజదిదం సర్వం వరయుక్తం కృతం త్వయా ॥ 26॥

అధునా దేవదేవేశ! కర్మయుక్తా ద్విజాతయః ।
భవిష్యన్తి ధరాయాం వై వయం స్వస్థానగాస్తథా ॥ 27॥

స్వ-స్వధర్మరతాః సర్వే కృతాస్త్వయా గజానన!।
అతః పరం వరం ఢుణ్ఢే యాచమానః కిమప్యహో!॥ 28॥

యదా తే స్మరణం నాథ కరిష్యామో వయం ప్రభో ।
తదా సంకటహీనాన్ వై కురూ త్వం నో గజానన!॥ 29॥

ఏవముక్త్వా ప్రణేముస్తం గజాననమనామయమ్ ।
తానువాచ సప్రీత్యాత్మా భక్తాధీనః స్వభావతః ॥ ౩౦॥

గజానన ఉవాచ ॥

యద్యచ్చ ప్రార్థితం దేవా మునయః సర్వమంజసా ।
భవిష్యతి న సన్దేహో మత్స్మృత్యా సర్వదా హి వః ॥ ౩1॥

భవత్కృతమదీయం వై స్తోత్రం సర్వత్ర సిద్ధిదమ్ ।
భవిష్యతి విశేషేణ మమ భక్తి-ప్రదాయకమ్ ॥ ౩2॥

పుత్ర-పౌత్ర-ప్రదం పూర్ణం ధన-ధాన్య-ప్రవర్ధనమ్ ।
సర్వసమ్పత్కరం దేవాః పఠనాచ్ఛ్రవణాన్నృణామ్ ॥ ౩౩॥

మారణోచ్చాటనాదీని నశ్యన్తి స్తోత్రపాఠతః ।
పరకృత్యం చ విప్రేన్ద్రా అశుభం నైవ బాధతే ॥ ౩4॥

సంగ్రామే జయదం చైవ యాత్రాకాలే ఫలప్రదమ్ ।
శత్రూచ్చాటనాదిషు చ ప్రశస్తం తద్ భవిష్యతి ॥ ౩5॥

కారాగృహగతస్యైవ బన్ధనాశకరం భవేత్ ।
అసాధ్యం సాధయేత్ సర్వమనేనైవ సురర్షయః ॥ ౩6॥

ఏకవింశతి వారం తత్ చైకవింశద్దినావధిమ్ ।
ప్రయోగం యః కరోత్యేవ సర్వసిద్ధియుతో భవేత్ ॥ ౩7॥

ధర్మాఽర్థకామ-మోక్షాణాం బ్రహ్మభూతస్య దాయకమ్ ।
భవిష్యతి న సన్దేహః స్తోత్రం మద్భక్తివర్ధనమ్ ॥ ౩8॥

ఏవముక్త్వా గణాధీశస్తత్రైవాన్తరధీయత ॥

ఇతి ముద్గలపురాణాన్తర్గతం గజాననస్తోత్రం సమ్పూర్ణమ్ ॥

Related Postings:

1. Stotras In Telugu

2. Karthika Puranam

3. Dharma Sandehalu

4. 12 Jyotirlingas

5. Rashi Phalalu

tags: nithya pooja vidhanam in telugu , nithya parayana slokas in telugu, nithya parayana mantralu , daily puja procedure at home , daily pooja vidhi ,most powerful mantras in telugu , most powerful slokas , lord vinayaka slokas , most powerful lord vinayaka mantras in telugu , lord vinayaka pooja vidhi